Conas a bheadh sé dá mbeifeá i do rannpháirtí in CSL?
Cad iad na bealaí is fearr, dar leat, chun tuairimí páistí faoin scoil a fháil amach?
Is cosúil gur focal aisteach é “taighde”, ach is mór an spraoi é i ndáiríre! Táimid ag iarraidh ort caipín an taighdeora a chur ort agus cabhrú linn foghlaim fút féin agus faoi do scoil ach gníomhaíochtaí spraíúla a dhéanamh lenár bhfoireann CSL.
Beidh leabhar oibre taitneamhach againn a iarrfaimid ort a líonadh le do rang, nó roinnt cluichí is féidir leat a imirt linne agus le cara leat. D’fhéadfadh sé go n-iarrfaimis ort labhairt linn, roinnt pictiúr a tharraingt agus grianghraif a thógáil de na rudaí atá tábhachtach duit faoin scoil!
Cibé acu is é seo do chéad pháiste atá ag freastal ar an mbunscoil nó an páiste deireanach atá agat, táimid ag tnúth le foghlaim faoi do pháiste, faoi do theaghlach agus faoin taithí atá agat ar bhunscoileanna in Éirinn.
Beimid ag iarraidh ort páirt a ghlacadh in agallaimh agus/nó ceistneoir a líonadh gach bliain.
Táimid ag dúil go mór le bheith ag oibriú i gcomhar le múinteoirí, oideachasóirí luathbhlianta, agus príomhoidí ina mbunscoileanna agus ina suíomhanna luathbhlianta chun eolas agus faisnéis thábhachtach a fháil ar oideachas in Éirinn ó dhearcthaí éagsúla.
Más múinteoir thú, iarrfaimid ort insint dúinn faoi do sheomra ranga agus faoi do chleachtais teagaisc. Más príomhoide thú, beimid ag cur ceisteanna ort faoin gceannaireacht scoile agus faoi chleachtais scoile.
Don staidéar CSL, úsáidtear dearadh fadaimseartha tras-seicheamhach, lena gcuirtear tacar saibhir
sonraí ó mhodhanna measctha ar fáil. Faightear sin ach staidéar cainníochtúil atá ionadaíoch don tír agus cás-staidéir dhoimhne ar fho-shampla scoileanna a dhéanamh.
Cheadaigh Coiste Eitice um Thaighde Daonna an Choláiste Ollscoile, Baile Átha Cliath, an Staidéar Saol Scoile Páistí.
Tugann saineolaithe idirnáisiúnta, a bhfuil saineolas acu ar réimsí ar leith den dearadh taighde agus taighde a dhéanamh le páistí, comhairle d’fhoireann CSL ar na modhanna staidéir.
