Conas a chosnaítear príobháideachas an rannpháirtí?
Príomhluach de chuid an staidéir is ea a chinntiú go n-éistear le tuairimí paistí maidir le hábhair a mbíonn tionchar díreach acu orthu. Tá foireann taighde CSL tiomanta do chearta, sábháilteacht agus folláine aon pháiste a ghlacann páirt sa staidéar a chinntiú.
Déantar grinnfhiosrúchán ar gach ball den fhoireann taighde agus rinne siad an clár ríomhfhoghlama Tús Áite do Leanaí. Is gairmithe tiomnaithe iad oibrithe allamuigh CSL, ag a bhfuil taithí fhairsing ar oibriú le páistí i suíomhanna oideachais.
Fuair gach scoil CSL faisnéis mhionsonraithe faoi na nósanna imeachta staidéir, na riachtanais agus na sceidil agus shínigh siad meabhrán tuisceana chun páirt a ghlacadh ann.
Iarradh toiliú feasach ar thuismitheoirí chun go mbeadh a bpáistí in ann páirt a ghlacadh ann. Faightear toiliú ó pháistí freisin sula ndéantar aon ghníomhaíochtaí giniúna sonraí. Ní úsáidtear aon sonraí sa chás nach dtoilíonn tuismitheoirí/páistí leis.
Tugtar faisnéis mhionsonraithe do phríomhoidí agus do mhúinteoirí faoi na nósanna imeachta bailithe sonraí agus faoina bhfuil i gceist le rannpháirtíocht roimh gach tonn bailithe sonraí.
Stórálann an fhoireann taighde CSL sonraí pearsanta na rannpháirtithe (m.sh. ainm, scoil) chun a chur ar ár gcumas an sampla céanna a leanúint thar imeacht tréimhse níos faide ama (mar shampla, le linn oideachas dara leibhéal agus ar aghaidh go dtí an breisoideachas agus an t-ardoideachas nó an fhostaíocht). Níl rochtain ach ag baill lárnacha den fhoireann taighde CSL ar shonraí pearsanta a choimeádtar go daingean de réir treoirlínte cosanta sonraí.
Maidir leis na sonraí eile go léir (mar shampla, na freagraí eile ar na suirbhéanna agus ar na hagallaimh), baintear aon sonraí aitheantais (mar shampla, ainm) agus cuirtear ainm bréige nó uimhir aitheantais isteach ina n-áit. Cuirtear na sonraí do-aitheanta sin ar fáil do thaighdeoirí eile chun anailís a dhéanamh orthu. Ní bheidh aon taighdeoir lasmuigh den fhoireann lárnach CSL in ann aon rannpháirtí aonair a aithint.
Stórálfaidh an fhoireann taighde CSL sonraí pearsanta do-aitheanta na rannpháirtithe ar feadh tréimhse gan teorainn, chun a chur ar ár gcumas an sampla céanna a leanúint thar imeacht tréimhse níos faide ama (mar shampla, le linn oideachas dara leibhéal agus ar aghaidh go dtí an breisoideachas agus an t-ardoideachas nó an fhostaíocht).
Is féidir, beidh tú rannpháirteach sa staidéar go hiomlán de do dheoin féin agus tá sé de cheart ag rannpháirtithe tarraingt siar ón staidéar ag am ar bith, ach teagmháil a dhéanamh le foireann an staidéir trí ríomhphost (csl@ucd.ie), ar an nguthán (01-7167903) nó tríd an bpost chuig CSL, Scoil an Oideachais, COBÁC, Oifigí Roebuck, An Coláiste Ollscoile, Baile Átha Cliath, Baile Átha Cliath 4, Éire.
Má bhí tú i do rannpháirtí in CSL, tá sé de cheart agat srian a chur ar an bpróiseáil a dhéantar ar do shonraí pearsanta agus scriosadh sonraí pearsanta a iarraidh. Má tá imní ar bith ort nó más maith leat sin a phlé, téigh i dteagmháil leis an bhfoireann ag cslschools@ucd.ie, nó ar 01-7167903.
Más mian leat gearán a dhéanamh maidir le próiseáil sonraí, téigh i dteagmháil leis an Oifig um Chosaint Sonraí, COBÁC ag gdpr@ucd.ie, nó le hOifigeach Cosanta Sonraí CNCM ag dpo@ncca.ie.
Féadfaidh tú teagmháil a dhéanamh le taighdeoirí COBÁC ag am ar bith má tá aon cheist agat nó má theastaíonn soiléirithe breise uait. Is féidir leat teagmháil a dhéanamh linn ar an nguthán (01-7167903) nó is féidir leat dul i dteagmháil linn ar ríomhphost cslschools@ucd.ie.
Don staidéar CSL, úsáidtear dearadh fadaimseartha tras-seicheamhach, lena gcuirtear tacar saibhir
sonraí ó mhodhanna measctha ar fáil. Faightear sin ach staidéar cainníochtúil atá ionadaíoch don tír agus cás-staidéir dhoimhne ar fho-shampla scoileanna a dhéanamh.
Cheadaigh Coiste Eitice um Thaighde Daonna an Choláiste Ollscoile, Baile Átha Cliath, an Staidéar Saol Scoile Páistí.
Tugann saineolaithe idirnáisiúnta, a bhfuil saineolas acu ar réimsí ar leith den dearadh taighde agus taighde a dhéanamh le páistí, comhairle d’fhoireann CSL ar na modhanna staidéir.
